Something मनातलं...

'कुछ बाते हमारे दिल के कमरे की इतनी खिडकिया खोल देती है की हम दंग रह जाते है'... खरं आहे, आपल्या आयुष्यात काही गोष्टी, प्रसंग यांसोबतच अशा काही विशेष तारखा असतात, ज्या मनावर कायमच्या कोरल्या गेलेल्या असतात.. दरवर्षी ती तारीख आली रे आली, की आपण कितीही व्यस्त असलो, तरी त्या तारखेशी निगडीत जुन्या आठवणींमध्ये रमून जातो... या तारखा प्रत्येकासाठी वेगवेगळ्या असतीलही, पण एक तारीख अशी आहे जी आठवली रे आठवली, की शाळेत गेलेला प्रत्येकजण जून्या आठवणींमध्ये हरवून जातो, आणि ही तारीख म्हणजे १५ जून....  १५ जून म्हटलं, की आठवते ती मे महिन्याची सुटी संपून सुरु झालेलं नवं शैक्षणिक वर्ष... नव्या इयत्तेचा पहिला दिवस... सगळ्या गोष्टी नवीन... नेमकं शाळेत जायच्या वेळेला पडलेला पाऊस... दरवळणारा मातीचा सुगंध... पाऊस असूनही खूप दिवसांनी शाळेत जाण्याचा उत्साह... प्रत्येक १५ जूनच्या दिवशी आम्हाला माहिती असायचं; की आम्ही एक इयत्ता पुढे गेलोय, अभ्यास वाढणार आहे, काठीण्यपातळी वाढणार आहे... पण आम्हाला त्याचं कधीच टेन्शन नसायचं...१५ जून या दिवसामुळेच आम्हाला नव्या आव्हानांची सुरुवात किती सुंदर असू शकते याचा प्र...